一踏入2019年秋，我已急不及待上網找一間專業訂製皮褸嘅公司去造一件我期待已久的皮褸。 
好幸運地，我喺Facebook遇上了金馬。
點解咁講呢！？ 我係一個既心急又有要求的人，最怕遇上一些冇反應回覆慢的公司，因為對我來講一開頭已經令我印象唔好，咁就唔使再傾落去喇，無謂嘥大家時間。 但慶幸金馬真的回覆很快(快到超出我的預算)，特別多謝Bonnie。☺佢好nice㗎！當時她不在香港仍然好盡力協助我去了解我嘅需要，給予我很大信心，令我完全放心不需再找別家作選擇和比較，因為我终於找到了一個懂我的人。
Bonnie很會跟進㗎！不會像某些踢一踢先郁一郁的公司，她回來後已很快幫我安排約見Raymond 同Linda。
Raymond 同Linda同樣好nice㗎！而且非常健談又好會聆聽客人意見。
令我可以暢所欲言唔使怕唔好意思講清楚我想要嘅嘢！甚至乎連我沒有考慮到的問題，他們都能從我的說話當中考慮到我的需要再加添意見給我，你知啦做一件自己稱心滿意嘅皮褸溝通真係好重要，最重要係對方真的了解你需要。☺
雖然我心目中已有造這件皮褸的模樣，但是我總不是專業的，尤其是在尺寸方面皮褸一定要做得好啱身，否則皮褸明明是讓人穿上身後是型格的，如果做咗一件不稱身嘅皮褸咁就出事喇。因為有些地方自己真的看不到這樣做是否好看，必須由第三者給予意見才清楚，真的好多謝Linda同Raymond。當中給予我很多意見務求令我的皮褸造出來更完美稱心。完全唔會嫌棄我麻煩㗎，相反佢哋比我更加長氣好細緻講出每個重點位讓我更理解！ 但係其實我係好欣賞佢哋呢一份細心，完全唔怕佢哋長氣。咁樣先代表佢哋係做事認真同專業，令我非常放心交托給他們。☺
我之前都介紹過我係一個好心急嘅人，天氣開始冷喇，我又忍唔住心急哋要求他們盡快給我趕工，其實我知道佢哋好忙㗎，但我真係好心急盡快穿上，所以咪膽粗粗試吓要求囉。但佢哋真係好好人呀，完全理解我有幾心急馬上就應承趕給我趕工，真係非常唔好意思喇。
終於到咗攞皮褸當日喇，見到我心儀的皮褸簡直眼前一亮。穿上身後更加不得了，非常，非常啱身好鬼fit呀。完全是我想要的效果！老師傅即是老師傅有豐富經驗做出嚟啲皮褸確實係唔同嘅。
多得你們Bonnie、Linda同Raymond。終於令我穿上一件這生人最啱身的皮褸，所以我要祝願你們身體健康，長做長有、生意興隆，以後我要訂造皮褸就靠你哋喇，努力。