當我啱啱開始上網睇皮褸個陣，見到嘅一係唔滿意佢哋嘅設計，真係靚嘅皮褸全部都要幾萬蚊。不過就算設計啱心意，個fitting都唔會啱我，因為我本身膊頭好橫但唔多肌肉，所以市面上冇咩皮褸係可以fit到我膊頭又做到好窄身嘅效果。
因為呢兩個原因，我就開始諗住自己設計一件度身訂做嘅皮褸，一來設計上滿足到我，二來又可以fit到我來個身型。之後搵搵下就見到金馬，發覺佢哋有40年歷史之餘，仲有好多明星搵過佢哋整皮褸，相信係有質素同保證，所以就搵咗佢哋幫我整我嘅第一件皮褸。
喺整呢件皮褸嘅過程入邊，我有好多唔同嘅改動同埋對於製造皮褸上唔明白嘅嘢，佢哋都好樂意聽我嘅要求同為我解答某啲問題，所以服務質素真係好好。
到最後件皮褸出到來，我本身都好難想像完成品係點，但見到件皮褸之後絕對係做得比我想像中仲好。個人認為我呢件皮褸嘅比例係好難做得好，但佢哋真係做得好靚。
呢個係我100%誠實嘅意見，同金馬製造皮褸嘅價錢同質素絕對絕對係冇得輸，係非常抵買。當然整一件皮褸點都唔會係平，但對比其他大牌子，冇幾萬蚊係絕對唔會買到同樣嘅質素。除咗皮質同fitting之外，連拉鏈嘅質素都好過好多牌子，金馬皮褸可以揀用riri拉鏈，呢隻拉鏈亦都係好多好多牌子嘅皮褸都提供唔到。所以個人認為如果想要一件靚又抵買嘅皮褸，冇理由唔搵金馬。